Bogy (vahoaka)

Ny Bogy, fantatra ihany koa amin'ny hoe Boginey na Ogy dia foko iray — ny maro indrindra amin'ireo vondrona telo lehibe indrindra amin'ny fiteny sy foko ao Sulawesi Atsimo (ny hafa dia Makassar sy Toraja), any amin'ny faritany atsimo-andrefan'i Sulawesi, nosy fahatelo lehibe indrindra any Indônezia. Ny Bogy tamin'ny taona 1605 dia niova ho amin' ny finoana silamo ka niala tamin'ny animisma. Ny fivavahana lehibe raisin'ny Bogy dia ny finoana silamo, miaraka amin'ny vitsy an'isa manaraka ny kristianisma na ny finoan-drazana efa nisy talohan' ny silamo antsoina hoe tolotang.

Mpivady Bogy manao akanjo nentim-paharazana nandritra ny mariaziny

Sarintany mampiseho ireo faritra misy fonenan'ny Bogy ao amin'ny nosy Sulawesi

Na dia eo aza ny isan'ny mponina eo amin'ny enina tapitrisa eo ho eo, dia manan-kery eo amin'ny pôlitika ao Indônezia maoderina ny Bogy, ary manan-kery ara-tantara amin'ny Saikinosy Malay sy ny faritra hafa ao amin'ny vondronosy izay nifindran'izy ireo, nanomboka tamin'ny faramparan'ny taonjato faha-17. Ny filoha lefitr' i Indônezia teo aloha Jusuf Kalla dia Bogy. Any Malezia, manana razambe bogyny praiminisitra fahenina, Najib Razak, sy ny praiminisitra teo aloha Muhyiddin Yassin.

Miteny fiteny isam-paritra miavaka ny vahoaka bogy ankoatry ny fiteny indôneziana, antsoina hoe fiteny bogy (Basa Ugi), miaraka amin'ny fitenim-paritra samihafa. Ny fiteny bogy dia anisan'ny vondron-teny ao Sulawesi Atsimo; mpikambana hafa dia misy ny fiteny makasaresy, toraja, mandara ary masenrempolô.