Tsiranana Philibert

I Tsiranana Philibert dia olom-pirenena malagasy, filohan' i Madagasikara tamin' ny 1 Mey 1959[1] hatramin' ny 11 Oktobra 1972.

I Philibert Tsiranana

Teraka tamin' ny taona 1912 tao Ambarikorano, Mandritsara ao amin' ny faritanin' i Mahajanga izy. Nianatra tao amin' ny sekoly ambaratonga voalohany tao Anjiamangirana tao Antsohihy izy. Nanohy ny ambaratonga faharoa fototra tao Analalava tamin' ny taona 1926, ary ny taona 1930 no nidirany tao amin' ny sekoly Le-Myre-de-Vilers; tao no nahazoany ny diplaoma naha-mpampianatra azy tamin' ny faha-roapolo taonany. Rehefa nampianatra nandritra ny 12 taona izy dia nanao fanadinana hiditra tao amin' ny École Normale de Montpellier tamin' ny taona 1946, ka rehefa vita ny 4 taona nianarany tao dia nampianatra tao amin' ny Fampianarana Teknika tao Antananarivo.

Valisoa azon' i Philibert Tsiranana
  • Nomena ny mari-pankasitrahana "Chevalier de l'Étoile d'Anjouan" tamin' ny 1949,
  • 1950 : "Chevalier de l'Etoile de la Grande-Comore".
  • 14 jolay 1954 : nahazo ny "Mention Honorable de l'Enseignement".

Pôlitika
  • 1952 : voafidy ho Mpanolotsain' ny Faritanin' i Mahajanga.
  • 2 janoary 1956 : voafidy ho solombavambahoaka tao amin' ny Faritra Andrefana.
  • Mey 1957 : voatendry ho ministra ; avy teo voatendry ho filoha lefitry ny Mpanolotsain' ny Governemantan' i Madagasikara.
  • Jolay 1958 : notendrena ho filohan' ny Mpanolotsain' ny Governemanta.
  • 14 Oktobra 1958 : nomem-boninahitra ho Filohan' ny Governemanta vonjimaika rehefa nambara ho Repoblika miankin-doha i Madagasikara.
  • 1 Jolay 1959 : nivory ny Antenimieram-pirenena ka nametraka ny fitokisany - tamin' ny alalan' ny vato 113 amin' ny mpifidy 114 - tamin' ity zanaka tantsaha avy any Anahidrano, Antsohihy ho Filohan' ny Repoblika Malagasy voalohany.
  • 26 Kiona 1960 : nahazo ny fahaleovantenany madiodio i Madagasikara.[2]
  • 30 Martsa 1965 : voafidy fanindroany hitondra ny firenena i Philibert Tsiranana.
  • 30 Janoary 1972 : voafidy fanintelony ho filoha izy.
  • Aprily - Mey 1972 : nanomboka nisy korontana, be ny mpanohitra ny fitondrana.
  • 13 Mey 1972 : tolon' ny mpianatra teo amin' ny Kianjan' ny Fahaleovantena teo Analakely, ka nahatonga ny fionganan' ny fitondrana Tsiranana.

Tsiahy

  1. hoy ny wikipedia frantsay
  2. Safidio ny tantaran'i Madagasikara ao amin'ny aterineto

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.