Tsingerin'i Metona

Ny tsingerin'i Metona na tsingerina metonika dia fe-potoana marikitra iraisan'ny tsingerim-pihodinan'ny Tany amin'ny Masoandro sy ny tsingerim-pihodinan'ny Volana amin'ny Tany. Izany dia fampifandraisana ny fari-potoana 235 tsingerim-bolana amin'ny 19 taona ka ity farany ity dia latsaka 27 minitra sy 33 segondra (elanelana azo tsinontsinoavina). Noho izany dia mifanojo ny daty mitovy ao amin'ny taona sy ny endriky ny Volana (tsinana, sns) isaky ny 19 taona katroka. Nefa isaky ny 312,5 taona dia miangona io elanelana io ka mahatratra iray andro feno.