Toekaren' i Madagasikara
Ny toekaren' i Madagasikara dia toekarena mifototra amin' ny fambolena sy fiompiana na dia misy ihany aza ireo sehatr' asa hafa, satria ny 70 %n' ny mponina dia tantsaha mpamboly sy mpiompy. Anisan' ny firenena mbola an-dalam-pivoarana eto an-tany i Madagasikara. Araka ny tatitra momba ny IDH tamin' ny taona 2000 (miankina amin' ny taona 1998 ny fampahalalana) dia faha-141 amin' ny firenena 174 i Madagasikara. Nihemotra hatrany io laharana io taty aoriana.
Ny fambolena sy ny fiompiana
Ny fambolena sy ny fiompiana no fiveloman' ny 70 %n’ ny mponina fara-fahavitsiny. Hita na aiza na aiza ny vary ary hita fa manamarika ny fisehon’ ny tontolo manodidina, satria foto-tsakafon’ ny Malagasy ny vary. Mbola lafo noho ny vary aziatika hafarana anafa ny vary malagasy.
Ny fambolem-bary
Foto-tsakafon' ny Malagasy ny vary, ary manamarika ny endriky ny faritra amin' ny saha. Araka ny filazan' ny filohan' ny tetezamita mikasika ny fihaonambe Rio+20 tany Brezila ny 20 jona 2012 dia anisan' ny tanjon' i Madagasikara ny ho lasa sompitry ny Ranomasimbe Indianina. Ny fomba hahatratrarana izany tanjona izany dia ny fanovana an' i Madagasikara hanana "toe-karena maitso".
Ny fiompiana
Ny hena hanin’ ny malagasy dia ny hena omby.
Ny sehatr' asa fahatelo
Banky
Tamin'ny 1889, dia nitsangana ny banky malagasy voalohany. Ny fananganana ny sandam-bola euro dia nampahery ny vola Malagasy izay tsy niankina tamin' ny volan' ny mpanjakana teo aloha (Franc frantsay), miatrika ny ampihimamban' ny dolara amerikanina mahery tany aloha.
Vola vahiny
Olona vitsy no manana fidiram-bola isam-bolana avy any ivelany avy amin' ny havana. Tombanana ho eo amin' ny 50 € hatramin' ny 100 € isaky ny fianakaviana ny vola vahiny. Tamin' ny Mey 2003, ny Ariary malagasy no nisolo ny Franc Malagasy (iraimbilanja). Nanomboka tamin' izany dia mari-bidy roa no apetraka eo amin' ny toeram-pivarotana sy ny tsena ôfisialy. Nanomboka tamin' ny taona 2005 dia tsy misy afa-tsy ny Ariary malagasy no sandam-bola ôfisialy ao amin' ny firenena (1 Ariary = 5 iraimbilanja).
Fahantrana
Ankehitriny, firenena mahantra i Madagasikara. Maro ny anton’ ny mampahantra ny Malagasy.
Antony ara-pôlitika
Anisan’ireo antony ireo ny safidy ara-politika sôsialista nandritry ny ady mangatsiaka ary ny fahataràna ara-pandrosoana vokatr’izay safidy izay: miha-simba ny foto-drafitr’asa, ny sakana ara-pandraharahana amin’ny fampivoarana ny orinasa, ny tsifitombenana ara-politika ary ara-pitsaràna.
Antony ara-kolontsaina
Ao koa ny fihavanan’ ny Malagasy, na dia zavatra hafa tsy miditra azo aza: mifanampy ny mpiray fianakaviana, na dia tsy mampivoatra ny tena aza ilay fifanampiana ny fianankaviana. Izay fisainana izay koa dia vao mainka ampitomboin’ ireo fikambanana tsy miankina amin' ny fanjakana (ONG) amin’ ny lafiny rehetra: tontolo iainana, kolontsaina, fahasalamana, fampianarana, fikarakarana ny zaza, fambolena. Noho izany, loharanon-karena mazava avy any ivelany ilay fanampiana avy any ivelany, na dia ho an’ ny tena aza, nefa tsy miantoka ny fivoarana maharitra.