Tirosy

I Tirosy na Tiro[1] na Tira[2] (arabo: صور, grika: Τύρος, Týros) dia tanàna any amin' ny tapany atsimon' i Libanona, iray amin' ireo tanàna tranainy indrindra misy olona eran' izao tontolo izao, na dia ao vanim-potoana amin' ny Andro Antenatenany nandritra ny taonjato vitsivitsy monja, nisy mponina kely fotsiny. Izy io dia iray amin' ireo tanàna lehibe fenisianina voalohany indrindra sy toerana nahaterahan' i Eorôpa, ary i Kadmôsy sy i Foeniksa ny rahalahiny, ary koa i Didô mpanorina an' i Carthage.

Andry vato tranainy mipoitra ivelan' ny ranomasina, ny tanàna vaovao any aoriana amin' ny faravodilanitra.
Sarin-tanin' i Libanona

Firesahana an' i Tirosy ao amin' ny tontolo jodeô-kristiana

Ao amin' ny bokin-tantara

Araka ny voasoratra ao amin ny Baiboly, tamin' ny nanamboarana ny Tempolin' i Jerosalema voalohany (atao hoe Tempolin' i Salômôna, taonjato faha-10 tal. J.K.) dia nandefa hazo sy mpandrafitra sy mpiasa trano tany amin' i Salômôna i Hirama I mpanjakan' i Tiro (1Mpanj. 6-8; 2Tantara 3-5).

Ao amin' ny bokin' ny mpaminany

Ny Bokin’ i Isaia (vita tamin' ny taonjato faha-4 na faha-3 tal. J.K.) dia miresaka ny faharavan’ i Babilôna sy i Tiro (Isaia 13 – 23).

Ny kônsily natao tao Tiro

Tamin' ny vanipotoan' ny kristianisma dia nisy kônsily na sinôda telo natao tany Tiro dia ireto:

  • ny kônsily voalohany dia natao tamin' ny taona 335 taor. J.K., izay nitsarana an' i Atanasiosy;
  • ny kônsily voalohany dia natao tamin' ny taona 449 taor. J.K., izay nandinihana ny amin' i Ibasy, evekan' i Edesa;
  • ny kônsily voalohany dia natao tamin' ny taona 514 na 515 taor. J.K., izay nandavana ny Kônsily tao Kalkedôna (na Kalsedoana).

Loharano sy fanamarihana
  1. Tyro no fiantsoana azy ao amin' ny Baiboly prôtestanta malagasy
  2. Tira kosa no fiantsoana azy aoamin' ny Baiboly katôlika malagasy
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.