Tanindrana
Ny Tanindrana dia ny Malagasy avy amin' ny faritra amorontsiraka na ny ivelan' ny faritra fiavian' ny Merina (izay antsoin' ny Tanindrana hoe "Ambaniandro"), ka noho izany, dia anisan' ny Tanindrana ny Bara, ny Tanala, ny Zafimaniry na ny Bezanozano sns mipetraka lavitra ny morontsiraka. Matetika anefa ny Betsileo sy ny Sihanaka no tsy voasokajy ho Tanindrana.
Fiforonan-teny
Ny teny hoe tanindrana dia avy amin' ny fototeny hoe indrana, ka azo rasaina hoe: t-an-indrana.
Famaritana
Araka an' i Rajemisa-Raolison Régis, ny Tanindrana dia ny "ny mponina rehetra amin' ny sisin-tany manodidina ny havoana marintampona afovoan' ny Nosy"[1].
"Ny olona izay tsy ato anaty ny Merina, fa indrindra izay monina amy ny sisintany, no atao hoe Tanindrana", hoy i mompera Callet François ao amin' ny Tantara ny Andriana[2].
Pôlitika
Faha fananahantany
Amin' ny fampiasana ilay teny ara-pôlitika, ny Tanindrana dia nanondroana ny fiombonan' ny vahoaka manohitra ny "fahefan' ny Merina", toy ny efa nataon' ny Parti des Déshérités de Madagascar (PADESM) teto Madagasikara taorian' ny Ady Lehibe Faharoa. Amin' ny teny malagasy dia nantsoina hoe "Firaisan' ny Tanindrana sy ny Mainti-enindreny ary ny Karazany rehetra eto Madagasikara" tokoa ny PADESM.
Rohy ivelany
- "Spectre de la division", La Vérité, 14 Jolay 2020
- "Ambaniandro irakiraka ....", La Gazette de la Grade Ile, 15 Desambra 2021
- "Madagascar: Premiers ministres - 3 betsileo, 6 merina et 7 tanindrana", All Africa, 30 Aogsitra 2012
- Thierry Roger Caligaris. Pouvoir merina et oppositions dans la province septentrionale malgache d’Antsiranana (PDF). Travaux & documents, Université de La Réunion, Faculté des lettres et des sciences humaines, 2013, Interculturalité et dynamique identitaires dans les îles de l’océan Indien, pp.29–42. ffhal-02186036f
Loharano sy fanamarihana
- "Tanindrana", ao amin' ny Rakibolana malagasy, nosoratan' i Rajemisa-Raolison Régis, 1985. Editions Ambozontany, Analamahitsy, Antananarivo
- Callet François, Tantara ny Andriana, 1878, p. 68,