Fiteny tamily
Ny fiteny tamily (tamiḻ / தமிழ்) dia fitenin' ny vahoaka tamily (dravidianina taloha). Ny fiteny tamily dia fiteny any India. Ny fiteny tamily dia fikteny ôfisialin' i Tamil Nadu sy ny tananan' i Pondichery sy Karîkâl. Fiteny ôfisialy any Singaporo ihany ko any fiteny tamily. Olona miisa 74 tapitrisa mahery no miteny tamily eran-tany. Araka ny voalazan' ny World Almanac 1994.
Voamarika amin'ny loko menamena ny faritra misy tamil
Fiteny nisampana amin' ny fiteny diravidianina ny fiteny tamily. Ny fiteny tamily dia anisan' ny fiteny antitra indrindra eto an-tany. Tsy ary niovaova ilay fiteny na dia efa nisy 2 500 taona aza. Soratana amina soratra avy amin' ny soratra brahmy ny fiteny tamily.
Fiteny
Noho ny tsy fahaizan' ny olona manoratra sy mamaky teny tany India nandritry ny taonjato maromaro, samihafa be ny endriky ny fiteny tamily tenenina (koduntamil) sy ny fiteny tamily soratana (centamil). Mitovy amin' izany koa, ny fianarana dia matetika atao am-bava fa tsy an-tsoratra, ary matetika miova ny fanononana ny teny arakaraky ny tanàna, ary tsindraindray, tsy misy fifandraisana amin' ilay teny soratana intsony ilay teny tenenina.
Amin' ny ankapobeny, misy endriky ny fiteny tamily ampiasaina amin' ny haisoratra, ampiasain' ny gazety, ny boky, sns. manaraka ny fitsipi-pitenenana, ny tsipelina ary ny rafi-pitenenana, ary ny endriky ny fiteny tamily an' ny mponina, ampiasain' ny haino aman-jery (radio, fahitalavitra): io fisiana io azo lazaina hoe diglossie amin' ny teny frantsay. Ny fiteny tamilin' ny mponina dia mety miovaova arakaraka ny firenena, arakaraky ny faritany ary tsindraindray arakaraky ny tanàna: na dia olona mifehy tsara ny teny tamily soratana, izany hoe ôfisialy, dia mety tsy mahazo io fiteny io, matetika mampiasa teny vahiny (lugej = "entana", avy amin' ny teny anglisy hoe luggage, zanti = "mahafatifaty", avy amin' ny teny frantsay hoe gentil) navadika arakaraka ny fanononana tamily. Ny anton' io dia ny fisian' ny mpiteny tamily any ivelany, ampifangaroiny amin' ny fiteny tenenina eo amin' ny toerana onenany ny fiteny tamily. Ny fiteny tamily tenenina any India dia tamilim-bahoaka, ary ny fiteny tamily tenenina any Srilanka dia fiteny tamily mifandray kokoa amin' ny fiteny tamily soratana.
Hatry ny fanombohan' ny taonjato faha-20 dia ampifanakekezan' ny mpandini-pitsipi-pitenenana tamily ny fiteny tamily soratana sy ny fiteny tamily tenenina, fa mitazona ny mahasamihafa ilay fanoratana antitra be.