Sorona

Ny sorona dia fomba tanterahina hanomezana haja na ho enti-mifona na mangata-pitahiana amin' ny andriamanitra na ny fanahy hafa, ka matetika famonoana biby no atao.

Araka ny finoan-drazana malagasy dia ny mpisorona na ny mpitan-kazomanga no mitarika izany fomba izany izay atrehin' ny sokajin' olona voakasika na ny olona rehetra arakaraka ny zavatra mitranga. Ny famonoana omby atao sorona no fomba anehoana ny fanajana ny Zanahary sy ny razana na ampitsaharana ny fahatezeran' izy ireo.