Simôna Bar Kôkba

I Simôna Bar Kôkba dia lehilahy mpitarika ny fikomian’ ny Jiosy tamin’ ny Rômana teo anelanelan’ ny taona 132 sy 135.

Sarin' i Simôna Bar Kôkba

Ny anarany

Amin' ny teny arameana ny anarany dia atao hoe שמעון בר כוכבא / Shimon bar Kokhba izay midika hoe "Simôna zanaky ny kintana".

Tantarany
Sarin'i Simona Bar Kokba, eo amin'ny Knesset Menorah ao Jerusalem

Tamin’ izany fotona izany dia niezaka ny hampanjaka ny kolontsana romana tao Jodea ny emperora Hadriano (latina: Publius Aelius Hadrianus Augustus) ka tsy namela ny Jiosy hiditra ao Jerosalema afa-tsy indray andro isan-taona, ary nandrara azy ireo tsy hanao famorana. Raikitra noho izany ny fikomian’ ny Jiosy. I Bar Kôkba no nitarika izany fikomiana izany, izay notohanan’ ny iray amin’ ireo raby nankatoavin-teny indrindra tamin’ izany, dia i Akiva ben Josefa, izay nanambara azy ho Mesia (hebreo: מָשִׁיחַ‎ / māshîaḥ) nalefan’ Andriamanitra hamerina indray ny fanjakan’ i Israely sy hanjaka amim-pahamarinana amin’ ny olombelona rehetra.

Vola volafotsy amin'ny anaran'i Bar Kokba

Nanangona tafika lehibe i Bar Kokba, izay nahitana Jiosy avy ao Jodea sy avy amin’ny firenena hafa ny Atsinanana. Nandresy ny tafika romana i Bar Kokba sady naka an’i Jerosalema sy tanan-dehibe dimampolo eo ho eo ary tanàna madinika maro koa.

Ny toerana nisy an'i Betara

Nanangana tafika vaovao indray i Hadriano nefa mbola ravan’ ny tafik’ i Bar Kôkba izany. Noho izany dia niantso mpitari-tafika mahay i Hadriano, dia i Jolio Severo (latina: Sextus Julius Severus), izay niady nandritra ny andro maro ka nanapitra ny fikomiana jiosy tao amin’ ny famaharana Betàra (hebreo: בֵּיתַּר / Bethar) ao akaikin’ i Jerosalema izy tamin’ ny volana Aogositra 135. Tamin’ izany no nahafatesan’ i Bar Kôkba.

Jereo koa
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.