Siisma

Ny siisma dia sampan'ny finoana silamo izay manaiky fa i Aly sy ny taranany no mpandimby an'i Mohamady. Ny teny hoe siisma na siita dia avy amin'ny teny arabo hoe شيعة‎ / Shīʿah izay avy amin'ny andian-teny arabo hoe Shīʿatu ʿAlī izay midika hoe "mpanara-dia an'i Aly". Ny Siita dia 10% hatramin'ny 15%n'ny vahoaka miozolmana maneran-tany, ka ny ankamaroany dia monina ao Iràna sy Iràka ary ao Bareina. Tsy toy ny sonisma, sampana lehiben'ny silamo, ny siita izay manana mpitondra fivavahana ahitana ambaratongam-pitondrana.