Seleokosy III Sotera

I Seleokosy III Sotera, izay atao hoe Seleokosy Keraonosy koa, dia mpanjaka seleokida tao Siria nanapaka tamin'ny taona 226 hatramin'ny 223 tal. J.K. Izy no nandimby an-drainy Seleokosy II Kalinikosy teo amin'ny fitondrana.

Vola misy ny sarin'i Seleokosy III Keraonosy

Niady matetika tao Anatolia[1] tamin'i Atala I mpanjakan'i Pergamona[2] izy. Novonoin'ny manamboninahitra miaramilany izay namadika azy ka niady taminy tany Anatolia tamin'ny taona 223 tal. J.K izy[3]. Rehefa maty i Seleokosy III dia ny rahalahiny Antiokosy III Lehibe no nandimby azy teo amin'ny fitondrana.

Loharano sy fanamarihana
  1. I Anatolia dia ilay faritra andrefan'i Azia, izay fantatra koa amin'ny anarana hoe Azia Minora, ka mifanandrify amin'ny faritra aziatikan'i Torkia ankehitriny izany.
  2. I Pergamona na Pergama (grika: Πέργαμον / Pérgamon) dia tanàna tranainy izay atao hoe Bergama, ao amin'ny faritanin'i Izmir ao Torkia ankehitriny,
  3. "Seleucus III Keraunos". Livius.org.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.