Sôsialisma

Ny sôsialisma dia rafitra ara-toekarena sy ara-pôlitika izay ahitana mpiasa mifehy ny fomba famokarana, toy ny milina, na toeram-pambolena, amin' ny toeran' ny mpampiasa. Ireo olona izay manohana izany fiarahamonina miara-miasa izany dia antsoina hoe sôsialista. Ny finoana manan-danja iray dia hoe tokony natao ho an' ny fampiasan' ny vahoaka fa tsy natao hahazoan-tombony ara-bola ny famokarana servisy sy fitaovana. Ny sôsialista dia mino ihany koa fa ny zavatra rehetra amin' ny fiarahamonina dia nataon' ny asa miaraky ny vahoaka.

Misy karazany maro ny sôsialisma, ka tsy misy famaritana azo ampiharina amin' ny rehetra; na izany aza, amin' ny karazany rehetra, ny mpiasa no manana ny fitaovana famokarana. Ny fahasamihafana lehibe eo amin' ny karazana samy hafa dia ny andraikitry ny tsena malalaka na fandaharana, ny fomba fananana ny fomba famokarana, ny andraikitry ny fitantanana ny mpiasa ary ny anjara asan' ny governemanta eo amin' ny toekarena.