Ravitoto sy henakisoa

Ny ravitoto dia ravina mangahazo nolaingosana ary nototoina. Marihina fa ny laingony no tena tsara sady tsy mangidy. Amin'ny fotoana fihavian'ny orana ka mampitsiry ny mangahazo no tena maha-betsaka azy. Matetika dia andrahoina amin'ny henan-kisoa na hen'omby matavy izy, na koa miaraka amin'ny voanjo, na farafaharatsiny asiana menaka fotsiny.

Ahoana ny fahandro ny ravitoto sy henan-kisoa.

• Andrahoina manokana ny ravitoto (ravi mangahazo laingolaingony; lay malefaka tsara iny no totoina) eo amin'ny ora 2 eo ho eo; asiana sira kely.
• Alaina ny henakisoa matavitavy tsara; atao mendimendy; avy eo andrahoina elaela kely asiana sira.
• Afangaro amin'izay ireo dia asiana tongolo oignon sy voatabia, rehefa akaiky ho masaka asiana tongolo gasy; atao mangotraka kely fotsiny dia aroso miaraka amin'ny vary fotsy sy achard karoty raha misy.