Ptolemaiosy I
I Ptolemaiosy I, izay atao hoe Ptolemaiosy I Sotera, dia jeneraly makedonianan' i Aleksandra Lehibe sady iray amin' ireo zanaka afaka mandimby ny mpanjaka (atao hoe διάδοχος / diádokhos amin' ny teny grika). Voantendry ho satrapa (solontenam-panjakana) tany Egipta izy tamin' ny fizaràna ny empiran' i Aleksandra tamin' ny taona 323 tal. J.K., nandray anjara tamin' ny ady ara-tafika nifanaovan' ireo diadoka izy ka nifanandrina tamin' i Antigonosy Monoftalmosy sy tamin' ny zananilahy Demetriosy Poliortketosy.
| Ptolemaiosy I Sotera | |||||||||||||||||||||||||||||||
| |||||||||||||||||||||||||||||||
Ny fiainany manokana
Teraka tamin' ny taona 368 tal. J.K. ary maty tamin' ny taona 283 tal. J.K. izy. Amin' ny teny grika dia atao hoe Πτολεμαῖος / Ptolemaios ny anarany. Ny hoe Soter dia mlidika hoe "mpamonjy".
I Lagosy no rainy. Ny vadiny dia i Artakama, i Taisy, i Eoridike any Egipta, i Berenike I any Egipta. Ny zanany dia i Ptolemaiosy II Filadelfosy, i Arsinoe II, i Ptolemaiosy Keraonosy, i Meleagera, i Lisandra ary i Ptolemaisy.
Tantarany
Izy no mpanorina ny dinastia ptolemaîka, izay atao hoe dinastia lagida (na lazida) koa araka ny anaran' i Lagosy rainy izay nanjaka tany Egipta hatramin' ny taona 30 tal. J.K. niafaran' izany fanjakana izany. Nanandratra ny tenany ho mpanjaka (grika: Βασιλεύς / Basileús) izy fa tsy faraona tamin' ny taona 305 tal. J.K. ary i Ptolemaiosy II zanany lahy mpandimby azy no nahazo ny anaram-boninahitra hoe "mpisorona egiptiana".
Nanao izay hifehezany ny faritry ny ranomasina sy ny manodidina izy ka nanitatra ny fanjakazakany tamin' ny faritra amoron-dranomasina any Azia Minora sy tamin' ireo nosy ao amin' ny Ranomasina Egea sy ny Ranomasina Mediteranea atsinanana, ka isan' izany i Kiprosy. Tsy nahomby ny fanorenany ny fanjakazakany tao Grisia an-tanibe sy tao Koile-Siria (grika: κοίλη Συρία / Koilê Suria). Mpanjaka tia manorin-javatra izy sady mpahay tetikady ary sakaizan' ny literatiora, ka izy no heverin' ny mpahay tantara ankehitriny ho mpanjaka lehibe nalaza indrindra tamin' ny vanimpotoana helenistika.
Jereo koa
- Ireo mpanjaka lagida nifandimby: Ptolemaiosy I - Ptolemaiosy II - Ptolemaiosy III - Ptolemaiosy IV - Ptolemaiosy V - Ptolemaiosy VI - Ptolemaiosy VII - Ptolemaiosy VIII - Ptolemaiosy IX - Ptolemaiosy X - Ptolemaiosy XI - Ptolemaiosy XII - Berenike IV - Kleopatra VII - Arsinoe IV - Ptolemaiosy XIII - Ptolemaiosy XIV - Ptolemaiosy XV.
- Fianakavia-mpanjaka lagida