Ptolemaiosy XV
I Ptolemaiosy XV na Ptolemaiosy XV Filopatora Filometora Kaisara, izay atao hoe Kaisariona na Ptolemaiosy Kaisara, dia zanak' i Kleopatra VII izay niara-nanjaka tamin-dreniny tamin' ny taona 44 tal. J.K. Novonoin' i Oktavio (izay ho emperoran' i Roma) i Kaisariona sy i Antilosy namany zanak' i Marko Antonio tamin' i Flovia. I Kaisariona no haverina fa zanaka tokana naterak' i Jolio Kaisara fa i Oktavio kosa zanaka natsangany ka loza ara-politika mananontanona izy.
Teraka tamin' ny taona 47 na 44 tal. J.K. izy ary maty tamin' ny taona 30 tal. J.K., izany hoe tamin' ny faha-14 na 17 taonany. Mety zanak' i Kleopatra tamin' i Jolio Kaisara izy. Atao hoe Πτολεμαῖος Φιλοπάτωρ Φιλομήτωρ Καῖσαρ / Ptolemaîos Philopatôr Philomêtôr Kaîsar izy amin' ny teny grika. Amin' ny teny grika ny hoe Kaisariona dia atao hoe Καισαρίων / Kaisariôn (midika hoe "Kaisara kely").
Rava tanteraka niaraka tamin' ny nahafatesan' i Kaisariona ny fianakavia-mpanjaka lagida ka nofehezin' ny Romana mivantana amin' izay i Egipta.
Jereo koa
- Ireo mpanjaka lagida nifandimby: Ptolemaiosy I - Ptolemaiosy II - Ptolemaiosy III - Ptolemaiosy IV - Ptolemaiosy V - Ptolemaiosy VI - Ptolemaiosy VII - Ptolemaiosy VIII - Ptolemaiosy IX - Ptolemaiosy X - Ptolemaiosy XI - Ptolemaiosy XII - Berenike IV - Kleopatra VII - Arsinoe IV - Ptolemaiosy XIII - Ptolemaiosy XIV - Ptolemaiosy XV.
- Fianakavia-mpanjaka lagida