Ptolemaiosy XII

I Ptolemaiosy XII na Ptolemaiosy XII Aoletesy na Ptolemaiosy XII Neosy Dionisosy dia mpanjaka sy faraon' i Egipta avy tamin' ny dinastia lagida izay nanjaka tamin' ny taona 80 hatramin' ny 58 tal. J.K. sy tamin' ny taona 55 hatramin' ny 51 tal. J.K. Nandimby an' i Ptolemaiosy XI izy ary nodimbiasin' i Berenika IV.

Sarivongan'i Ptolemaiosy XII Aoletesy

Teraka tamin' ny taona 117 na 116 tal. J.K. izy ary maty tamin' ny taona 51 tal. J.K. Zanak' i Ptolemaiosy IX Sotera II tamin' i Kleopatra IV izy. Lava be ny anarany ka amin' ny teny grika dia atao hoe Πτολεμαῖος Νέος Διόνυσος Θεός Φιλοπάτωρ Θεός Φιλάδελφος (azo soratana amin' ny abidy latina hoe Ptolemaios Néos Diónysos Theós Philopátōr Theós Philádelphos) izay midika hoe "Ptolemaiosy Dionisosy Vaovao, Andriamanitra tian' ny Rainy, Andriamanitra tian' ny Rahalahiny". Ny tovan' anarany hoe Αὐλητής / Aulêtês dia midika hoe "mpitsoka sodina".

Jereo koa

Ireo mpanjaka lagida nifandimby: Ptolemaiosy I - Ptolemaiosy II - Ptolemaiosy III - Ptolemaiosy IV - Ptolemaiosy V - Ptolemaiosy VI - Ptolemaiosy VII - Ptolemaiosy VIII - Ptolemaiosy IX - Ptolemaiosy X - Ptolemaiosy XI - Ptolemaiosy XII - Berenike IV - Kleopatra VII - Arsinoe IV - Ptolemaiosy XIII - Ptolemaiosy XIV - Ptolemaiosy XV.
Fianakavia-mpanjaka lagida

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.