Ptolemaiosy XI
I Ptolemaiosy XI na Ptolemaiosy XI Aleksandra II dia mpanjakan' i Egipta avy tamin' ny fianakaviana lagida izay nanapaka tamin' ny taona 80 taor. J.K. Zanak' i Ptolemaiosy X Aleksandra I izy ary tsy fantatra ny reniny, nefa misy mpahay tantara milaza fa i Kleopatra V Selena I no reniny. Teraka tamin' ny taona 105 na 104 tal. J.K. izy ary maty tamin' ny taona 80 tal. J.K. Atao hoe Πτολεμαῖος Ἀλέξανδρος / Ptolemaĩos Aléxandros io anarany io amin' ny teny grika.
Nirahina tany Kosy izy tamin' ny taona 103 tal. J.K. ka nosamborin' i Mitridata VI mpanjakan' i Ponto niaraka tamin' i zana-drahalahin-drainy Ptolemaiosy mpanjakan' i Kiprosy tamin' i Mitridata naka ny nosy Kiprosy tamin' ny taona 88 tal. J.K. Nandritra ny fotoana nahavoafonja azy dia notezaina tao amin' ny lapan' ny mpanjakan' i Ponto izy ka afaka nifampiresaka tamin' i Mitridata VI sy i Sila (na Sola; latina: Lucius Cornelius Sulla) mba handositra sy hikambana amin' ity farany. Rehefa maty i Ptolemaiosy IX Sotera II Latirosy dia izy no tokony handova azy eo amin' ny fanjakan' i Egipta. Tamin' ny fiantombohan' ny taona 80 tal. J.K. dia noteren' i Sila ho mpanjakan' ny mponin' i Aleksandria izy.
Jereo koa
- Ireo mpanjaka lagida nifandimby: Ptolemaiosy I - Ptolemaiosy II - Ptolemaiosy III - Ptolemaiosy IV - Ptolemaiosy V - Ptolemaiosy VI - Ptolemaiosy VII - Ptolemaiosy VIII - Ptolemaiosy IX - Ptolemaiosy X - Ptolemaiosy XI - Ptolemaiosy XII - Berenike IV - Kleopatra VII - Arsinoe IV - Ptolemaiosy XIII - Ptolemaiosy XIV - Ptolemaiosy XV.
- Fianakavia-mpanjaka lagida