Ptolemaiosy VIII

I Ptolemaiosy VIII na Ptolemaiosy VIII Evergetesy II Trifona na Ptolemaiosy Fiskona dia mpanjakan' i Egipta tao amin' ny dinastia lagida. Niara-nanjaka tamin' i Ptolemaiosy VI Filometora izy teo anelanelan' ny taona 170 sy 163 tal. J.K., avy eo lasa mpanjakan' i Kirenaika tamin' ny taona 163 hatramin' ny taona 145 tal. J.K., avy eo indray lasa mpanjakan' i Egipta tamin' ny taona 145 hatramin' ny 116 tal. J.K. Napetrak' ireo Aleksandrina teo amin' ny fitondrana izy tamin' ny taona 170 rehefa nogadrain' i Antiokosy IV Epifanesy (mpanjaka seleokida) i Ptolemaiosy VI rahalahiny. Araka ny mpahay tantara sasany dia izy no Ptolemaoisy nitondra ny laharana faha-VII ary ny zana-drahalahiny nitondra ny laharana faha-VIII.

Vola misy ny sarin'i Ptolemaiosy VIII

Zanak' i Ptolemaiosy V Epifanesy tamin' i Kleopatra I Sira izy. Tsy fantatra ny fotoana nahaterahany, mety tamin' ny 186 na 184 na 183 tal. J.K. izany. Amin' ny teny grika dia tao hoe Πτολεμαῖος Εὐεργέτης Τρύφων / Ptolemaĩos Euergétēs Tryphon na Πτολεμαῖος Φύσκων / Ptolemaĩos Phuskon izy, ka ny hoe Εὐεργέτης Τρύφων dia midika hoe "Mpanao soa Mamiratra" ary ny hoe Phuskon dia anaram-bosotra midika hoe "Be kibo" na "Matavy", noho izy matavy be.