Paleo-ortodoksia

Ny paleo-ortodoksia dia firehana ara-teolojia protestanta tao Etazonia izay nipoitra tamin'ny faramparan'ny taonjato faha-20 sy tamin'ny fiantombohan'ny taonjato faha-21 sady miompana amin'ny fanekam-pinoana nifanarahana vokatr'ireo konsily ekiomenika sy ny soratr'ireo rain'ny Fiangonana talohan'ny fisaraham-bazan'ny Fiangonana (ortodoksa sy katolika tamin'ny taona 1054, sy katolika sy protestabta tamin'ny taona 1517). Na dia ny finoana iraisana aza no iompanany dia atao hoe paleo-ortodoksia io teolojia io mba hiavahany amin'ny neo-ortodoksia izay firehana nisy akony lehibe teo amin'ny protestantisma tamin'ny tenantenan'ny taonjato faha-20.