Ondry
Ny ondry dia biby fiompy misy nono sady mihinana ahitra ary mamadi-kota izay mifanakaiky karazana amin' ny osy, sady ao amin' ny fianakaviamben' ny karazana omby. Ny ondry dia isan' ireo biby nompian' ny olona voalohany ary ny iompiana azy indrindra dia ny rononony, ny henany, ny hodiny, sy ny volony. Ny volon'ondry no tsiraka ampiasaina indrindra avy amin'ny biby. Maro karazana ny ondry, ka odry fiompy ny karazany iray ary ondridia ny enina amin'ireo izay mbola misy amin'izao. Nanomboka niompy ondry ny olona tamin'ny faramparan'ny taonarivo faha-6 tal. J.K. ka ondry dia avy any Afovoany Atsinanana (avy any atsimo-atsinanan'i Anatolia na Zargos) no nompiana voalohany.
Ompiana eran'izao tontolo izao ny ondry sady mitana anjara toerana lehibe tamin'ny sivilizasiona maro. Amin'izao fotoana izao dia i Aostralia, i Zelady Vao, i Sina, i Nizeria, i Patagonia ary ny Fanjakana Mitambatra no faritra mpiompy ondry betsaka indrindra eran-tany. Amin'ny fivavahana maro dia atao sorona ny ondry, indrindra ao amin'ny finoana silamo isaky ny fetin'ny Idy al Ada (na Idy el Kebiry).