Nord-Pas-de-Calais

I Nord-Pas-de-Calais na Nord-Pas de Calais dia faritany any amin'ny farany avaratr'i Frantsa. Ireo faritra manodidona dia i Picardie any atsimo, ny Manche ary ny Ranomasina Avaratra ary ny Fanjakana Mitambatra ary i Beljika any avaratra andrefany. Roa ny isan'ny departemanta ao amin'io faritra io. Ny hakitroky ny mponina dia 326 mpo./km² ary i Nord-Pas-de-Calais no anisan'ny faritra eoropeana ambony hakitroka indrindra.

Ny faritan'i Nord-Pas-de-Calais ao Frantsa (miloko mena).

Ny faritr'i Nord-Pas-de-Calais ankehitriny dia nivadika frantsay tamin'ny taona 1713 ary ny anarany tamin'izany fotoana izay dia ny Nederlandy Frantsay (Pays-Bas franaçais). Ny faritany ara-tantara an'i Nord-Pas-de-Calais dia i Artois, i Boulonnais (lasan'i Picardie tamin'ny 1477), i Cambrésis, i Valandera ary i Hainaut, fiantsoam-paritany mbola ampiasaina be amin'izao fotoana izao.

Ny PIB manontolon'i Nord-Pas-de-Calais dia 86,7 miliara Euro, ary ny faritan'i Nord-Pas-de-Calais no faritany fahaefatra manankarena indrindra ao Frantsa.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.