Mpisolo (fitsipiteny)
Ny mpisolo dia teny (sokajin-teny) izay maka ny toeran'ny anarana na ny tarika anarana nefa misy sasany izay afaka maka ny toeran'ny fehezankevitra na fehezanteny iray manontolo koa. Mety misolo ny mpamari toetra koa izany amin'ny fiteny sasany.
Isan'ny sokajin'ny mpisolo, ohatra:
- ny mpisolo tena na mpisolo olona
- ny mpisolo manondro
- ny mpisolo manontany
- ny mpisolo mampifandray
- ny mpisolo tompon-javatra
- ny mpisolo fotoana
- ny mpisolo manolotra
- ny mpisolo toerana
Miovaova arakaraka ny fiteny na arakaraka ny fanaovana tsikera amin'ny fiteny iray ny zana-tsokajin'ny mpisolo. Mety miovaova endrika ny mpisolo ka maneho ny filaza isa (tokana na maro sns), ny maha kandahy na maha kambavy sns, arakaraka ny fiteny.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.