Mpanampy (fitsipiteny)

Ny mpanampy dia na sokajin-teny na anjara asa, arakaraka ny fiteny na ny mpahay teny. Amin'ny fitsipiteny mahazatra ao amin'ireo fiteny eoropeana sy ny fiteny hafa naka tahaka ny fitsipiteniny dia ao amin'ny sokajin'ny matoanteny no ahitana ny mpanampy ka misy araka izany ny matoanteny mpanampy izay atao hitondra ny mariky ny filazam-potoana sy ny fiendrika sns ho an'ny endriky ny matoanteny. Ao amin'ny fiteny malagasy kosa dia sokajin-teny hafa tanteraka izay mitovitovy amin'ny tambinteny ny mpanampy fa tsy matoanteny.