Mindanao

I Mindanao iray amin'ireo nosy ao amin'ny tangoro-nosin'i Filipina ka ao atsimo no misy azy. Mahatratra 480 km ny halavany avy atsinanana miankandrefana. Izy no nosy faharoa lehibe ao Filipina aorian'i Luzon. Ny ranomasin'i Celebes no mamaritra azy ao atsimo, ny ranomasin'i Sulu avy ao andrefana, ny ranomasin'i Mindanao ao avaratra ary ny ranomasin'i Filipina sy ny Oseana Pasifika ao atsinanana.

Nosy be tendrombohitra rakotra ala i Mindanao ka ny avo indrindra dia ny tendrombohitra Apo izay manana hahavo mirefy 2954 m. I Rio Grande sy i Agusan ny renirano lehibe indrindra ao.

Tamin'ny taona 2010 dia nahatratra 20.300.000 ny mponina ao Mindanao[1]. Mpamboly katsaka sy vary sy akondro ny mananasy ny mponina ao, ary vokatra ao koa ny voanio sy ny kofra. Ahitana volamena sy varahina sy vy sy arintany ny ao mindanao. miompy koa ny mponina. I Zamboanga sy Davao ary i Cagayan de Oro no tanàna lehibe indrinadra ao.

Loharano
  1. Raymond Blanadet, L'Asie du sud-est, Presse universitaire de Nancy, 1992, 344 p. (ISBN 2-86480-379-8), p. 178-191
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.