Mikrônezia (faritra)

I Mikrônezia dia iray amin' ireo vondro-nosy telo lehibe, manampy an' i Melanezia sy i Pôlinezia, izay mamorona an' i Ôseania. Ireto avy ny fanjakana sy ny faritra ara-pôlitika hita ao amin' ny faritr' i Mikrônezia:

  • ny Fanjakana mizakatenan' i Mikrônezia;
  • ireo nosy Marshall;
  • i Kiribati;
  • ireo nosy Mariana Avaratra (miankina amin' i Etazonia);
  • i Wake (miankina amin' i Etazonia);
  • i Nauru;
  • i Palaos;
  • i Guam (miankina amin' i Etazonia);
Sarin-tany maneho ny faritr' i Mikrônezia

Fiteny any Mikrônezia

Ny fiteny tenenina any amin' ny faritr' i Mikrônezia talohan' ny fanjanahan-tany eorôpeana, dia ireo fiteny mikrôneziana, dia fiteny ao amin' ny sampana malaiô-pôlinezianan'ny fiteny aostrôneziana. Ny fiteny mikrôneziana dia isan' ireo fiteny ôseaniana. Isan' ireo fiteny any Mikrônezia ny fiteny karôliniana, ny fiteny zilbertina, ny fiteny kôsrae, ny fiteny lamôtreka, ny fiteny marsaley, ny fiteny môkily, ny fiteny môrtloka, ny fiteny pôhnpela, ny fiteny poloaty, ny fiteny sooka, ny fiteny olity, ary ny fiteny sônsôrôley. Ahitana fiteny pôlineziana, izay mbola fiteny aostrôneziana, koa ao.

Sarin-tany maneho ny fizaràm-paritr' i Ôseania.

Jereo koa

Fizaràm-paritra any Ôseania:

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.