Menalamba

Ny Menalamba dia fikambanana pôlitika nanatanteraka fikomiana tamin' ny faritra sasany teto Madagasikara ka nanohitra ny fidiran' ny Frantsay teto Madagasikara sady nanenjika ny Prôtestanta merina koa. Atao hoe Menalamba koa ireo malagasy nandray anjara tamin' izany Fikomiana mitam-piadiana izany. Tamin' ny taona 1895 no nanombohan' ny fikomiana, taorian' ny nahazoan' ny Frantsay an' Antananarivo. Nenjehin' ny tafika frantsay notarihin' ny jeneraly Gallieni izany fikomiana izany ka nifarana tamin' ny taona 1897 niaraka tamin' ny faharavan' ny Fanjakana Merina sy ny fanombohan' ny fanjanahana an' i Madagasikara.

Fitifirana an-Rainandriamampandry sy Ratsimamanga tamin'ny taona 1896.