Menabe (tany)

Ny menabe dia ampahan-tany iadidian' ny mpanjaka mivantana fa tsy ankininy amin' ny andriana (tompomenakely na tompombodivona). Mifanohitra amin' io ny menakely izay tany iadidian' ny andriana na dia eo ambany fanapahan' ny mpanjaka aza.

Ny menabe tao Imerina

Ny menabe, tao amin' ny fanjakan' Imerina, dia ny faritra nisy ny vohitra rehetra sy ny vahoaka teo ambany fahefan’ ny andriamanjaka mivantana ka ny foibeny dia Antananarivo. Ny mponina tamin’ izany faritra izany dia nantsoina koa hoe "menabe". Rehefa niamboho Andriamasinavalona, dia samy nanjaka tamin’ ny vodivona nisy azy avy izy ny zanany efa-dahy, nihazakazaka samy nanao menabe ny faritra natolotra hanjakan’ izy ireo tsirairay. Ireto ny menabe tamin’ izany: Antananarivo, Ambohimanga, Ambohidratrimo ary i Alasora.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.