Malaoỳ

Ny Malaoỳ dia firenena any amin' ny faritra atsimo ao Afrika na Afrika Atsinanana, tsy manana morontsiraka, manana velaran-tany mirefy 118 484 km², eo anelanelan' i Môzambika, i Zambia, ary i Tanzania. Voafaritry ny farihy Malawi na farihy Nyassa izy, farihy fahatelon' i Afrika amin' ny velarany, mandrakotra ampadimin' ny velarantan' i Malaoỳ ny farihy Malawi ary betsaka ny renirano manary ao.

Republic of Malawi ((en))
Dziko la Malaŵi rw
Repoblikan'i Malaoy ((mg))
(Antsipirihany) (Antsipirihany)
Teny filamatra : Unity and Freedom (Firaisana sy Fahalalahana)
Teny ofisialy	Fiteny anglisy, fiteny chichewa
Renivohitra	Lilongwe 13° 57′ S, 33° 42′ E
Tanàna ngeza indrindra	Blantyre
Fitondrana sy governemanta  - Président	Repoblika Lazarus Chakwera
Velarantany  - Tontaliny  - Rano (%)	faha 99 118 844 km² > 20 %
Isam-ponina  - Tontaliny (2008)  - hakitroka	faha 67 13 931 831 mpo. 107 mpo./km² {{{1}}}
Anaran'ny mponina	Malawita
Sandam-bola	Kwacha malawita (MWK)
Faritr'ora	UTC +2
Hiram-pirenena	Mlungu salitsani malawi
Valan-tsehatra internet
Antso an-tariby	+265

Ny fiavian' ny anarana hoe Malaoỳ (avy amin' ny anaran' ny farihy, amin' ny fiteny banto) dia tsy mazava tsara; lazaina fa avy amin' ny mponina any atsimon' i Malaoỳ na lazaina fa maneho ny hazavan' ny masoandro rehefa miposaka eo amin' ny farihy (eo amin' ny sainam-pirena).

Firenena be tendrombohitra i Malaoỳ. Ny ampahany be atsinanana amin’ ny taniny dia misy ny farihy Malawi, izay farihy lehibe fahatelo aty Afrika.

I Malaoỳ dia iray amin’ ireo firenena manana mponina be hakitroka indrindra aty Afrika, ary ny ankamaroan’ ny mponina dia monina any ambanivohitra. Kristiana ny ankamaroan’ ny vahoala malaoita.

Ny fambolena no iankinan’ ny toekaren’ i Malaoỳ, nefa ianjadian’ ny fiovaovan’ ny toetrandro, indrindra ny haintany izany fambolena izany.

Tamin’ ny taona 1964 no nahazoan’ i Malaoỳ ny fahaleovan-tenany raha nozanahin’ ny Britanika izy talohan’ izany. Mpikambana ao amin’ ny Commonwealth i Malaoỳ ary ny fiteny anglisy sy ny fiteny tsitseoa no fiteny ôfisialiny.