Luzón

I Luzón na Luzon dia nosy ao amin'ny tapany avaratr'i Filipina izay faritan'ny helodranon'i Babuyan ao avatratra, ny ranomasin'i Filipina ao atsinanana, ny helodranon'i San Bernardino ao atsimo ary ny ranomasin'i Sina atsimo ao andrefana. Izy no nosy lehibe indrindra ao Filipina izay manana velarana 104.687 km2. Be tendrombohitra ny fatritra amorontsiraka fa ny afovoany ny kosa dia tany lemaka sady lonaka. manondraka azy ny renirano Cagayan (350 km) Agno sy Pampanga. Hita ao koa ny farihy Laguna de Bay sy ny farihy Taal.

Mpamboly ny mponina ao Luzón ka vokatra be ao ny vary, ny katsaka, ny fary, ny kafe, ny paraky ary ny akondro. Be manga sy voanio koa ao. mivelona amin'ny jono ny mponina amorontsiraka. Ahitana harena an-kibon'ny tany toy ny volamena, ny vy, ny varahina, ny manganezy, ary ny kraomita koa ao. I Manila renivohitr'i Filipina sy i Quezon no tanana lehibe indrindra ao.