Ktesifôna

I Ktesifôna dia tanàna partiana tranainy, tao Mesopotamia, izay hita eo anoloan'i Seleokia any Tigrisy, eo amin'ny ilany ankavian'ny ony Tigrisy, 30 km ao atsimon'i Bagdada ao Iràka.

Sarin'ny andohalambo ao Ktesifôna, nataon'ny kapiteny Hart, tamin'ny taona 1824.

Mirefy 30 km² ny valaran'ilay tanàna. Ny sisam-paharavana mbola hita dia ny andohalambo lehibe Taq-e Kisra (persàna: طاق کسری, Tāq-i Kisrā) ao atsimo-atsinanan'ny tanànan'i Salman Pak ankehitriny.

Tanàna fonenan'ny mpanjaka partiana i Ktesifôna amin'ny ririnina, avy eo lasa renivohitry ny Fanjakan'ny Partiana. Rehafa noravana i Seleokia tamin'ny taona 165 taor. J.K. dia lasa tanàna matanjaka tao Babilonia i Ktesifôna. Rehefa niongana tamin'ny fitondrana ny fianakaviana partiana arsakida tamin'ny taona 226 taor. J.K. dia lasa renivohitr'ireo mpanjaka persiana sasanida i Ktesifôna. Nataon'ny Arabo fahirano i Ktesifôna tamin'ny taona 637 taor. J.K. ka lasa tanàna haolo tamin'ny nanaovan'ny kalifa abasida an'i Bagdada ho renivohitra.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.