Kolontsaina ao Oganda
Ny kolontsaina ao Oganda dia fifangaroan' ny kolontsain'ny foko isan-karazany ao amin' io firenena io miampy ny kolontsaina avy any ivelany, izay mahakasika ny fivavahana sy ny fanabeazana sy ny fiteny sy ny sehatra maro hafa.
Ny fiteny ao Oganda
Ny fiteny anglisy sy ny fiteny soahily no fiteny ofisialin’ i Oganda. Maro koa ireo fiteny banto (toy ny fiteny loganda) sy ny ireo fiteny nilôtika (toy ny fiteny akôly sy fiteny loô) tetenin’ ny mponina ao Oganda. Ireo Sinoa miisa 10 000 eo ho eo monina ao Oganda dia miteny sinoa mandarina. Miteny hindy sy tamoly ary bengaly ny Indiana.
Ny fivavahana
Ny kristianisma
Tamin’ny taona 2014 dia ny 82,4 %n’ ny mponina ao Oganda dia Kristiana: ny 39,3 % Katôlika, ny 32,0 % Anglikana, ny 11,1 % Pentekôtista, ny 1,7 % Adventista, ny 0,3 % Batista, ny 0,1 % Ôrtôdôksa.
Ny fivavahana silamo
.jpg.webp)
Ny 13,7 %n’ ny Ogandey dia Miozolmàna. Mikambana ao amin’ ny Fikambanam-piaraha-miasa islamika (arabo: منظمة التعاون الإسلامي / Munaẓẓamat at-Taʿāwun al-islāmī; angl.: Organisation of Islamic Cooperation; fr.: Organisation de la Coopération Islamique) i Oganda.
Ny fivavahan-drazana
Ny 0,1 % n’ny mponina ao Oganda no manaraka fivavahan-drazana. Be dia be anefa ireo Kristiana na Miozolmàna ogandey mampifangaro finoana ka mbola manaraka ny finoan-drazana afrikana, na manao ny fombafomba sasany momba izany, toy ny fanaovana sorona ho an’ ny fanahin’ ireo olona efa maty.
Fivavahana hafa
Ahitana fivavahana toy ny jodaisma, ny hindoisma, ny finoana bahay ary ny bodisma,
Ny fampianarana
Ny roa ampahatelon’ ny mponina dia mahay mamaky teny sy manoratra. Latsaka ny atsasaky ny isan’ ny zaza roa ambin’ ny folo hatramin’ ny fito ambin’ ny folo taona no mianatra. Ao amin’ ny Makerere University, izay niorina tamin’ ny taona 1922, sy ao amin’ ny Uganda Techical College, izay voatsangana tamin’ ny taona 1954, no anohizana ny ambaratonga ambony, izay samy ao Kampala.
Ny haino aman-jery
Ny Radio Uganda izay fampielezam-peom-pirenena dia miteny anglisy sy frantsay sy arabo ary amin’ ny fiteny afrikana maro koa. Tsy dia mandroso firy ny fahitalavitra sy ny telefônina. Ny gazety mpiseho isan’ andro New Vision, izay an’ ny fanjakana, dia vokarina ao Kampala.