Joliosy Kaisara
Joliosy Kaisara na Jolio Kaisara dia mpanao politika, jeneraly, kônsoly, mpanoratra, miaramila, mpanao asa soratra mizaka ny zom-pirenen'nyRepoblika Romana, Roma Taloha teraka ny 12 Jolay 100 tal. J.K. tao Roma ary maty ny 15 Martsa 44 tal. J.K. tao Roma.
| Joliosy Kaisara | |||||||||||||||||||||||||||||||
| |||||||||||||||||||||||||||||||
.jpg.webp)
Ny fiainany manokana
I Gaio Jolio Kaisara (latina: Gaius Julius Caesar) no rainy. Ny vadiny dia i Cornelia Cinna Minor, Pompeia, Calpurnia Pisonis. Ny zanany dia Julia Caesaris, Caesarion.
I Jolio Kaisara (izay antsoina amin'ny teny latina hoe Caius Iulius Caesar IV tamin'ny fahaterahany, Imperator Iulius Caesar Divus taorian'ny fahafatesany) dia mpitari-tafika sy mpanao politika ary mpanoratra romana, teraka tao Roma tamin'ny 12 na 13 Jolay taona 100 tal. J.K. ary maty tamin'ny 15 marsa taona 44 tal. J.K. tao Roma ihany koa.
Nisy akony lehibe teo amin'ny tontolo romana sy ny tantaran'izao tontolo izao ny fiainan'i Jolio Kaisara: be hambom-po sy manan-tsaina izy, nankininy tamin'ny firehan'ny fanavaozana sy ny kobakambava ny fiakarana politikany; havanana amin'ny fanaovana paik'ady sady kinga izy, naitany hatrany Rhinet any Atlantika ny sisin-tany romana tamin'ny nahazoan an'i Galia, avy eo nampiasainy ny antokon-tafiny mba hahazoany ny fahefana. Nampisalotra ny tenany ny anaram-boninahitra hoe "mpanao didy jadona mandra-pahafatiny" izy, dia nisy namono fotoana fohy taorian'ny fiokoan'ireo loholona (senatera). Nivavahana toy ny andriamanitra izy ary ny zananilahy natsangany atao hoe Oktavio, izay nandresy an'i Marko Antonio, no namarana ny fanavaozana ny Repoblika romana izay nosoloan'ny printsipata sy ny Empira romana.