Joany Antidahy

I Joany Antidahy na Jaona Loholona na Jaona Presbitera dia lehilahy resahin'i Papiasy sy i Eosebiosy avy any Kaisaria (na Sezarea) izay nanangana ny fiangonan'i Efeso (na Efesosy na Efezy). I Eosebiosy, izay nanaraka ny voalazan'ny lovantsofina tranainy, dia manavaka olona roa samy atao hoe Joany (na Jaona), dia i Joany apostoly sady zanak'i Zebedio, sy i Joany Antidahy (na Presbitera na Loholona), voalaza ao amin'ireo Epistilin'i Joany. Misy mpanao fivoasana ny Baiboly izay milaza fa i Joany Antidahy no nanoratra ny Evanjelin'i Joany, nefa izany petrakevitra izany dia misy manohitra. Lazaina fa niaina teo anelanelan'ny taona 50 sy 100 taor. J.K. i Joany Antidahy ary tsy apostoly nahita maso ny nanomboana an'i Kristy teo amin'ny hazo fijaliana tamin'ny taona 33 taor. J.K.