Java

I Java dia nosin' i Indônezia ao amin' i Insolindia, izay tondrahan' ny Ranomasimbe Indiana ao atsimo sy ny Ranomasin' i Java ao avaratra, hodidinin' i Somatra ao avaratra-andrefana, ny nosy Baly ao atsinanana ary i Bôrneô ao avaratra. Atao hoe Jawa izy amin' ny teny indôneziana. Misy mponina manodidina ny 150 tapitrisa izy (60 %n' ny tamba-nosin' i Indônezia), ka izy no nosy be mponina indrindra eto an-tany. Mahatratra 1 000 km ny halavany ary 128 300 km² ny velerany miaraka amin' ny nosy manakaiky azy atao hoe Madora sy ny nosy madinika maro hafa koa. Ny toetany misy ao aminy dia toetanim-pehibe. Ao amin' ny morontsiraka avaratr' i Java ao amin' ny ilany andrefana no misy an' i Jakarta renivohitr' i Indônezia.

Sarin-tany maneho ny nosy Java, any Indônezia