Japàna

I Japàna dia firenena ao atsinanan' i Azia. Ireo firenena manodidina azy dia i Korea Atsimo sy Avaratra, Sina ary Rosia. Atao hoe 日本 Nippon na Nihon na (anarana ôfisialy) 日本国 Nihonkoku) izy min' ny fiteny japôney. I Japàna dia tangoro-nosy manana halava 2 500 km eo ho eo misy nosy efatra lehibe, dia i Honshu, i Hokkaido, i Kyushu ary i Shikoku. Ao amin' ireo nosy efatra ireo ireo ny 97 %n' ny mponina manontolon' i Japàna, izay miisa 126 tapitrisa mponina. I Tokyo izay manana mponina 30 tapitrisa no renivohitra ary tanàna lehibe indrindra ao Japàna ary eto amin' izao tontolo izao.

日本国 Nihonkoku ((ja))
((ja))
Japana ((mg))
(Antsipirihany) (Antsipirihany)
Teny filamatra : Tsy misy
Teny ofisialy	Japoney
Renivohitra	Tokyo 35°41′N 139°46′E
Tanàna lehibe indrindra	Tokyo
Fitondrana sy governemanta  - Mpanjaka  - Praiminisitra	Fanjakana entin'antenimiera Naruhito (徳仁) Fumio Kishida (岸田 文雄)
Velarantany  - Tontaliny  - Rano (%)	faha 62 377 975 km² 1,4%
Isam-ponina  - Tontaliny (2020)  - hakitroka	faha 10 126 226 568 mpo. 334[1] mpo./km² Endrika:Formation pays
Anaran'ny mponina	Japoney
IDH (2019)	midina 0.919 (ambony) faha-8
Sandam-bola	Yen (JPY)
Faritr'ora	UTC +9
Hiram-pirenena	Kimi ga yo
Valan-tsehatra internet
Antso an-tariby	+81

Manana morontsiraka mirefy 30 000 km any ho any ity firenena ity. Tendrombohitra no mandrakotra 75 %n’ ny tanin’ i Japàna. Mangatsiaka ny toetany any avaratra izay andalovan’ ny rivotra avy any Siberia fa andalovan’ ny rivodozan-janapehin-tany kosa avy any Azia ny ao atsimo.

Ambony ny hakitroky ny mponina izay mahatratra 2 000 isaky ny km² ao amin’ ny faritra sasany fa 13 000 any ho any izany ao Tokyo renivohitra, tanàna ngeza indrindra maneran-tany. Tandrenivohitra ny ankabetsahan’ ny mponina any Japàna izay mahatratra 80 %, ary ny tangoron-tanànan’ i Tokyo no onenan’ ny 20 %n’ ny mponina ao amin’ ity firenena ity.

I Japàna no firenena matanjaka ara-toekarena faharoa maneran-tany, aorian’ i Etazonia. Taorian’ ny Ady Lehibe Faharoa no nanombohan’ ny tena fandrosoany. Miroborobo ny taozava-baventy any Japàna, izay mitana ny laharana voalohany amin’ ny seha-pamokarana maro toy ny fanamboarana fitaovana elektrônika sy fiarakodia. Ny Yen no vola miasa any, izay ampiasaina betsaka amin’ ny raharaham-barotra maneran-tany, ankoatra ny dôlara sy ny eorô.