Jakoba zanak'i Alfeo
I Jakoba zanak'i Alfeo na Jakoba Zandriny na Jakoba Kely dia isan'ireo mpianatr'i Jesoa roa ambin'ny folo lahy. Jiosy avy any Galilea izy. Inefatra mitranga ao amin'ny Testamenta Vaovao ny anarany.
Ny anarany
Atao hoe Iάκωβος ὁ τοῦ Ἁλφαίου / Iakôbos o toû Alphaiou izy amin'ny teny grika. Tsy afangaro amin'i Jakoba zanak'i Zebedio i Jakoba zanak'i Alfeo. Atao hoe koa Jakoba Zandriny (na Jakoba Kely) izy. Ny hoe Alfeo na Alphaios (grika) dia avy amin'ny anarana arameana hoe Alpai. יעקב בן חלפי / Ya'akov ben Halfay ny fiantsoana azy amin'ny teny hebreo. Ny hoe Jakoba Zandriny na Jakoba Kely dia fandikana ny teny grika hoe Ἰάκωβος ὁ μίκρος / Iakōbos ho mikros (Marka 15.40). Marihina fa iandian-kevitra ny maha nanoratra epistily an'i Jakoba zanak'i Alfeo.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.