Hijra

Ny Hijra dia ny fifindra-monin'ny mpaminany Mohamady sy ireo mpanara-dia azy tamin'ny 16 Jolay taona 622 avy ao Maka[1] makany Iatriba[2], izay anaran'i Madina[3] taloha, izay any amin'ny 350 km minavaratra. Atao hoe هجرة / hijrah izany amin'ny teny arabo. Io fotoana io no fanombohan'ny fanisan-taona silamo. Ireo mpanara-dia ny mpaminany ireo no atao amin'ny teny arabo hoe الصحابة / aṣ-ṣaḥābah.

Io fotoan'ny Hijra io no fotoana nananganana ny fiombonan'ny mpino silamo voalohany (atao hoe أمّة / ummat), satria ny fiarahamonin'ny vahoaka arabo dia miorina amin'ny fisian'ny foko. Fisarahana tanteraka amin'izany fomba izany ny zava-nitranga tamin'izany andro izany ho an'ny mpino silamo ka rivo-baovao no mitsoka noho izany.

Loharano sy fanamarihana
  1. Amin'ny teny arabo dia atao hoe مكة / Makka ny tananan'i Maka izay atao amin'ny teny frantsay hoe La Mecque, na Mecca amin'ny teny anglisy.
  2. Amin'ny teny arabo dia atao hoe يثرب / Yathrib ny teny nogasina eto hoe Iatriba.
  3. Atao hoe المدينة / Al-Madīna ny tanànan'i Madina amin'ny teny arabo, izay atao hoe Medine amin'ny teny frantsay na amin'ny ten anglisy.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.