Hena
Ny atao hoe hena dia ireo sakafo izay misy hozatra, miaraka amina tavin-kena, ra, fitatitra, tsinay na jabora. Izy io dia mety vokatry ny fiompiana na vokatry ny fihazana. Ny fihinanana hena dia iadian-kevitra ary tsindraindray mifady hena ny kolontsaina na ny finoana sasany. Azo raisina ohatra izao ny Mozilmana na ny Jiosy samy mifady henan-kisoa fa tsy mifady hena omby, raha vao vonoina araka ny fombany ilay biby.
Famaritana ara-dalàna
Araka ny fikambanana iraisam-pirenen'ny fahasalaman'ny biby, ny hena dia ireo zavatra rehetra azo hanina amin'ny biby. Araka ny fitsipika eoropeana, ny hena dia ireo zavatra azo hanina amin'ny biby, miaraka amin'ny ra. Ambaran'ny fikambanana iraisam-pirenen'ny fahasalamana fa "biby mampinono na manatody, ary koa ny tantely."
Ny lokon'ny hena
Avy amin'ny miôglôbina ny lokon'ny hena satria ny hemôglôbina sisany dia dimy na folo isan-jaton'ny voan-doko totaliny raha ara-dalàna ny fomba famonoana ilay biby.