Haiteny ara-drafitra

Ny haiteny ara-drafitra, amin' ny haiteny, dia manondro sekoly na teôria izay iheverana ny fiteny ho rafitra semiôtika mifehy tena izay singa voafaritra amin' ny fifandraisany amin' ireo singa hafa ao anatin' ilay rafitra.  Avy amin' ny asan' ny mpahay teny soisa Ferdinand de Saussure izy io ary anisan' ny fomba fijery ankapobeny momba ny stroktoralisma. Ny bokin' i Saussure mitondra ny lohateny hoe Cours de linguistique générale, nivoaka taorian' ny nahafatesany tamin' ny 1916, dia nanantitrantitra ny fandinihana ny fiteny ho toy ny rafi-tsinga mifandray. I Saussure dia fantatra ihany koa amin' ny fampidirana ireo fototra maromaro amin' ny famakafakana semiôtika izay mbola manan-danja ankehitriny. Ny roa amin' ireo no fomba fototra ananany amin' ny famakafakana ara-tarika sy ara-karazana,  izay mamaritra ny singa ara-drariteny sy ara-boambolana, araka ny fifanoheran' izy ireo amin' ireo singa hafa ao amin' ny rafitra. Ny hoe stroktoralisma amin' ny maha teny azy, na izany aza, dia tsy nampiasain' i Saussure, izay niantso izany fomba fiasa izany hoe semiôlojia. Ny teny hoe stroktoralisma dia noraisin' ireo mpahay teny tao amin' ny Sekolin' i Prague toa an' i Roman Jakobson sy i Nikolai Trubetzkoy, ka tafiditra ao amin' ny haiteny taorian' ny nahafatesan' i Saussure; raha noforonin' i Louis Hjelmslev ny teny hoe haiteny ara-drafitra.

Ny haiteny ara-drafitra, noho izany dia mitaky ny fanaovana angon-dahateny, avy eo miezaka ny manasokajy ny singa rehetra ao amin' ilay angona araka ny ambaratonga ara-kaiteny: ny feon-teny, ny hasin-teny, ny sokajin-teny, ny tarika anarana, ny tarika matoanteny, ary ny karazam-pehezanteny.