Fiteny skandinaviana

Ny fiteny skandinaviana na fiteny jermanika avaratra dia vondom-piteny mpihavana akaiky, tenenina ao amin' ireo firenena skandinaviana. Sampam-piteny iray ao amin' ireo fiteny jermanika izy ireo, izay ao amin' ny fianakaviam-piteny indô-eorôpeana. Ny zana-pianakaviam-piteny jermanika roa hafa dia ireo fiteny jermanika andrefana sy ireo fiteny jermanika antsinanana (izay fiteny maty ankehitriny). Olona miisa 20 tapitrisa any ho any no miteny skandinaviana amin' ny fitenin-dreny azy. Ny fiteny skandinaviana fantatra indrindra dia ny fiteny nôrveziana (ninôrska sy bôkmaly), ny fiteny danoà, ny fiteny soedoà, ny fiteny islandey, ary ny fiteny ferôiana.

Sarin-tany maneho ireo faritra miteny skandinaviana