Fiteny kazàka
Ny fiteny kazàka dia fiteny ao amin' ny vondron'ny fiteny torkika. Ny fiteny kazàka no fiteny ôfisialin' i Kazakstana miaraka amin' ny fiteny rosiana. Ny toerana hafa itenenana ny fiteny kazàka dia ao amin' ny faritra mizaka tenan' i Xinjiang (Sina). Ny soratra ampiasaina anoratana ny fiteny kazàka dia ny abidy sirilika, ny abidy latina izay mitovitovy endrika amin' ny abidy latina ampiasain' ny fiteny tiorka, ary ny abidy arabo novaina (izay ampiasaina any Sina, any Iràna, any Môngôlia ary any Afganistana). Ao amin' ny abidy sirilika anoratana ny fiteny kazàka dia ahitana litera sivy fanampiny (Ә, Ғ, Қ, Ң, Ө, Ұ, Ү, Һ, І). Mitovy endrika amin' ny fiteny kirgizy ny fiteny kazàka.
| fiteny kazàka қазақ тілі, қазақша qazaq tili, qazaqşa | |
| Isan'ny mpiteny | 11,7 tapitrisa |
| Faritany |  Kazakstàna,  Mongolia,  Rosia,  Sina (Xinjiang) |
| Sata | Velona |
| Kaodim-piteny | kk |
| Soratra | abidy latina (ofisialy any Kazakstana), abidy sirilika (ofisialy any Kazakstana), abidy arabo (ofisialy any Sina) |
Soratra
Ny soratra ampiasaina amin' ny fanoratana ny fiteny kazàka dia ny abidy arabo voalohany indrindra; nampiasaina ny abidy latina manomboka ny taona 1927, ary ny abidy sirilika no nampiasaina manomboka ny taona 1940. Tamin' ny taona 2006, naneho ny finiavany ny hiverina mampiasa ny abidy latina ny filoha kazàka Nursultan Nazarbaiev, fa ôfisialy foana ny abidy sirilika[1].
Jereo koa
- Fiteny torka
- Fiteny ozbeka
- Fiteny oigora
- Fiteny tatara
- Fiteny torkmena
- Fiteny kirgizy
- Fiteny baskira
- Fiteny tsovasa