Fiteny indôneziana

Ny fiteny indôneziana (Bahasa Indonesia, midika "fitenin' i Indônezia") dia fiteny ôfisialin' ny Repoblikan' Indônezia. Anisan' ny fiteny miasa ihany koa io fiteny io any amin' ny Repoblikan' i Timôro Atsinanana. Iray amin' ireo endriky ny fiteny malay (bahasa Melayu) ny fiteny indôneziana. Tsy tenin-drenin' ny ankamaroan' ny Indôneziana io fiteny io. Any am-pianarana ny ankizy indôneziana vao vao mianatra io fiteny io. Tenim-paritry ny fiteny malay any amin' ny faritra atsinanan' ny nosy Sumatra, ao amin' ny faritanin' i Riau ary any anindran' ny nosy Bôrneô. Miisa 225 tapitrisa ny mpiteny indôneziana.