Fiteny berbera

Ny fiteny berbera dia sampan'ny fianakaviam-piteny hamito-semitika (na afro-aziatika na afraziana) izay tenenin'ny olona monina amin'ny velaran-tany midadasika, dia i Afrika Avaratra hatrany Marôka ka hatrany Ejipta, mamakivaky an'i Aljeria sy ny Tonizia ary i Libia, ary i Sahara sy ny ampahan'i Sahely ao andrefan'i Afrika. Ahitana olona maro miteny berbera koa ny ao Maly sy ao Nijera[1].

Ny fiteny berbera dia atao hoe tamazight amin'ny fiteny berbera. ⵜⴰⵎⴰⵣⵉⵖⵜ amin'ny soratra tifinagh vaovao, ⵜⵎⵣⵗⵜ amin'ny soratra tifinagh toarega, Tamaziɣt amin'ny abidy latina berbera.

Ny Glottolog dia milaza fa miisa 27 ny fiteny berbera[2], ka misy fiteny maty ao amin'izany. Manana tarehin-tsoratra azy manokana ny fiteny berbera, dia ny tifinagh izay voatahirin'ny Toarega sady misy karazany ampiasaina ao Maroka.

Tsy misy fanisana ofisialy momba ny mpiteny berbera, nefa mety ho eo anelan'ny 25 000 000 sy 30 000 000 ny isan'izy ireo[3].

Jereo koa

Sampam-piteny ao amin'ny finakaviam-piteny hamito-semitika

Fiteny be mpampiasa ao Afrika

Ireto ireo fiteny be mpampiasa ao Afrika: ny fiteny afrikansa, agny, amharika, anglisy, arabo, bambara, baole, berbera, bete, diola, fanga, fola (na fiteny peola), frantsay, haosa, iôroba, kitoba, lingala, malagasy, môre, pôrtogey, soahily, sômaly, sôninke, soso, tigrinia, vôlôfo ary zolo.

Loharano
  1. Salem Chaker, "Langue et littérature berbères", Clio,‎ mai 2004 (vakio eto [tahiry]) I Salem Chaker dia mpampianatra fiteny berbera ao amin'ny Institut national des langues et civilisations orientales (Inalco) sady talen'ny Centre de recherche berbère.
  2. https://glottolog.org/resource/languoid/id/berb1260 [tahiry]
  3. Les Berbères en Afrique du Nord. http://www.tlfq.ulaval.ca/AXL/ [tahiry],
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.