Fiteny asiriana

Ny fiteny asiriana dia fiteny semitika, sampan'ny fiteny akadiana, notenenina sy nosoratana tao Asiria tamin'ny Andro Taloha sady fantatra noho ny fisian'ny soratra be dia be amin'ireo zava-boaorina sy amin'ny tanimanga fanoratana amin'ny tarehin-tsoratra miendri-pantsika. Ny maha samy hafa ny fiteny asiriana sy ny fiteny babiloniana (samy sampan'ny fiteny akadiana) dia misongadina indrindra amin'ny lafiny fanononana.

Azo zaraina telo ny tantaram-pivoaran'ny fiteny asiriana ka ahitana ny fiteny asiriana taloha (taona 1950 - 1750 tal. J.K.) sy ny fiteny asiriana antenantenany (taona 1500 - 1000 tal. J.K.) ary ny fiteny asiriana vaovao (taona 1000 - 600 tal. J.K.).