Fiteny amharika

Ny fiteny amharika dia fiteny ao amin' ny vondrom-piteny semitika tenenina any Etiopia. Izy io dia fiteny semitika faharoa amin' ny lafin' ny isan' ny mpiteny, eo aorian' ny fiteny arabo. Noho ny pôlitika mikasika ny fiteny talohan' ny fahalatsahan'ny Defg, ampiasain' ny ankabeazan' ny mponina any Etiôpia ilay fiteny, ary ny mpiteny azy ireo dia na mampiasa azy amin' ny maha fitenin-dreny na maha fiteny faharoa nianarana na fiteny ampiasaina eny ivelany azy. Any Etiôpia, fiteny ampiasaina amin' ny fandraharahana ny fiteny amharika.

Ny tavoahangy Coca-Cola soratana amin'ny teny amharika

Tsy manana sata ôfisialy intsony ny fiteny amharika tamin'ny firenena nampihatra ny Lalampanorenan'ny 1994, nanambara ny andininy faha 5-1 fa mitovy sata avokoa ny fiteny tenenina ao Etiôpia. Kanefa ny andininy faha 5-2 dia milaza fa teny fiasan' ny governemanta federaly ny fiteny amharika.

Any ivelan' i Etiôpia, ny fiteny amharika dia tenenin' ny mponina miisa 2,7 tapitrisa miaina any Ejipta, any Israely, any Jibotia, any Iemena, any Sodàna, na koa any Soeda (tenenin' ny mponina vitsivitsy, matetika avy any Etiôpia ny ankabeazan' izy ireo) na any Eritirea ho an'ireo izay mbola niaina tambanin' ny fandraharahana Etiôpiana talohan'ny taona 1993.