Filazam-potoana tsy hoavy

Ny filazam-potoana tsy hoavy dia endriky ny teny atao entimilaza (ny matoanteny indrindra) izay manambara amin'ny alalan'ny mari-potoana fa tsy aorian'ny fotoana itenenana no itrangan'ny asa na toetra lazain'io entimilaza na matoanteny io fa amin'ny fotoana ankehitriny na amin'ny fotoana lasa.

Ny fiteny sasany, isan'izany ny fiteny rokay (fiteny aostroneziana tenenina any Taiwan), dia tsy manana afa-tsy filazam-potoana hoavy sy tsy hoavy. Amin'ny alalan'ny fampiasana teny hafa no amantarana raha ny fotoana lasa na ny fotoana ankehitriny no resahina ao amin'ny fehezanteny. Marihina fa ahitana fifanoherana toy izany ny fiteny malagasy (amin'ny endriny ofisialy) araka ny asehon'ny hoe olona vs ho olona; vita vs hovita; sns na dia manana filazam-potoana lasa aza.