Fiangonana zokiny

Ny fiangonana zokiny, eto Madagasikara, dia ireo fiangonana kristiana efa nisy teto amin' ny Nosy talohan' ireo fiangonana maro madinidinika niforona na tonga teto taty aoriana. Teny mifameno amin' ny hoe "fiangonana zandriny", izay fanalefahana fitenenana (mba tsy hitenena hoe "sekta") ny hoe "fiangonana zokiny". Eto Madagasikara, ny fiangonana milaza ny tenany na lazaina hoe "zokiny" dia ireo fiangonana milaza tena na lazaina hoe "fiangonan-dehibe" na "fiangonana ara-tantara" toy ny Fiangonana Loterana Malagasy, ny Eglizy Katôlika Apôstôlika Rômanina, ny Fiangonan' i Jesoa Kristy eto Madagasikara, ny Eklesia Episkopaly Malagasy, ny Fiangonana Ôrtôdôksa sy ny sisa. Eto Madagasikara ihany no mampiasa io andian-teny hoe "fiangonana zokiny" io ka tsy tena mazava tsara ny famaritana mety homen' ny olona io teny io.

Jereo koa
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.