Fiangonana zandriny

Ny fiangonana zandriny, eto Madagasikara, dia ireo fiangonana kristiana niforona taorian' ireo fiangonana tranainy, vokatry ny fiakàny avy amin' ireo tranainy (matetika fiangonana prôtestanta) na tamin' ny fikambanana kristiana nisy teo aloha noho ny tsy fitoviam-pomba fandray ny Baiboly na ny antony hafa, na vokary ny fisian' ny mpanorina fiangonana vaovao tsy nipoitra avy tamin' ireo fiangonana tranainy ireo. Fanalefahana fitenenana ny hoe "fiangonana zandriny", mba tsy hitenena hoe "sekta", nefa tsy hitovy ny zavatra tondroina amin' ireo teny roa ireo satria misy ny fiangonana lazaina hoe "sekta" izay efa nisy ela talohan' ireo fiangonana "tsy sekta".

Ireo fiangonana lazaina hoe "zandriny" ireo dia tsy isan' ireo lazaina na milaza tena hoe "fiangonan-dehibe" na "fiangonana ara-tantara", na "fiangonana mitana ny mahazatra" na "fiangonana zokiny" toy ny Fiangonana Loterana Malagasy, ny Eglizy Katôlika Apôstôlika Rômanina, ny Fiangonan' i Jesoa Kristy eto Madagasikara, ny Eklesia Episkopaly Malagasy, ny Fiangonana Ôrtôdôksa sy ny sisa. Eto Madagasikara ihany no mampiasa io andian-teny hoe "fiangonana zandriny" io ka tsy tena mazava tsara ny famaritana mety homen' ny olona io teny io. Noho izany dia maro ireo fiangonana tsy manaiky ny hosokajina ho zandriny.

Jereo koa

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.