Fiteny finô-ogriana

Ny fiteny finô-ogriana dia fianakaviam-piteny tenenin' ny olona ao Eorôpa, dia ny vahoaka finô-ogriana, ao amin' ny faritra ara-jeôgrafia midadasika dia midadasika avy any amin' ny Ranomasina Baltika sy avy any amin' ny tapany avarar' i Skandinavia hatrany Oural sy any Don. Ny isan' ny mpiteny finô-ogriana dia 25 000 000 any ho any. Ny fiteny finô-ogriana sasany dia nanjavona tsy misy mpiteny intsony tamin' ny taonjato faha-20 ary maro amin' ireo fiteny ireo no tandindomim-pahafatesana. Iray amin' ny sampana lehiben' ny fianakaviam-piteny oraliana ireo fiteny finô-ogriana, ka ny sampana faharoa dia ireo fiteny samoieda.

Sarin-tany maneho ny faritra itenenana finô-ogriana