Faritanin' Antsiranana

Ny Faritanin' Antsiranana dia iray amin' ireo faritany enina eto Madagasikara izay manana velarana mirefy 43 406 km². Misy mponina 1 465 606 izy tamin' ny taona 2011. Eo amin' ny 34 mp/km² I ny hakitroky ny mponina. I Antsiranana na Diego-Suarez ny renivohiny. Misy faritra roa ny ao amin' ny Faritanin' Antsiranana, dia ny Faritra Diana sy ny Faritra Sava.

Faritanin'Antsiranana ao avaratr'i Madagasikara

Misy distrika sivy ny ao amin' io faritany io izay mitsinjara amin' ireo faritra roa ireo toy izao: ao amin' ny faritra Diana no misy ny distrikan'Ambanja, Ambilobe, Antsiranana I, Antsiranana II, ary Nosy Be; ao amin' ny faritra Sava no ahitana ny distrikan'Andapa, Antalaha, Sambava ary Vohimarina.